அந்தோனியார் பல்நோக்கு கருத்தரங்க மையம்

மையத்தைப் பற்றி

அந்தோனியார் பல்நோக்கு கருத்தரங்கம் என்றழைக்கப்படும் இந்த மையம் பங்கின் ஆன்மீக, கல்வி மற்றும் சமூக நிகழ்ச்சிகளுக்காக உருவாக்கப்பட்ட பல்நோக்கு அரங்கமாகும். மரியானுஸ் நகர் மக்களின் வாழ்க்கைத் தரத்தை உயர்த்தவும், ஆன்மீக வளர்ச்சியை ஊக்குவிக்கவும், கல்வி மற்றும் சமூக விழிப்புணர்வை வளர்க்கவும் இவ்வரங்கம் அர்ப்பணிக்கப்பட்டுள்ளது.

இம்மையம் ஏன் உருவாக்கப்பட்டது?

எம்பகுதியிலுள்ள மக்கள் பெரும்பாலானோர் பட்டாசுத் தொழில் மற்றும் அச்சுத் தொழில் செய்து வருகின்றனர். 2002 ஆம் ஆண்டுக்குப் பின் எம்பங்கிலிருந்து எவரும் அரசுப் பணியில் அமர்த்தப்படவில்லை. வறுமையின் காரணமாகப் பலர் அதிகம் படிக்காமல் தொழிற்சாலைகளில் வேலைக்குச் சென்றனர்; நாள்வட்டி, வாரவட்டி, மாதவட்டி எனக் கடன் சுமையில் பல குடும்பங்கள் வாழ்கின்றன. எம்பங்கிலிருந்து இதுவரை ஒரு அருட்சகோதரியோ அருட்சகோதரனோ இறைப்பணிக்குச் சென்றதில்லை. இவை அனைத்தையும் மாற்ற எடுத்த முதல் முயற்சியே இந்த அந்தோனியார் பல்நோக்கு கருத்தரங்க மையமாகும்.